Бизнисменот Минчо Јорданов отвора фабрика за производство на сирење!
Објавено во: Агробизнис 27 Декември, 2012
Бизнисменот Минчо Јорданов, влегува во уште еден земјоделски бизнис. Наскоро овој бизнисмен ќе ја промовира фабриката за производство на традиционално македонско сирење. Овие информации за Фактор ги потврдија и луѓе блиски до Јорданов. Подготовките за производство се при крај, а отворањето на сирењарата треба да случи наскоро. Засега не се открива со колкав капацитет ќе работи сирењарата и како ќе се снабдува со суровина, но се знае дека е сместена во Градско.
Извори за Фактор откриваат дека бизнисменот Јорданов веќе го скенирал американскиот пазар, од каде добил позитивни сигнали за пласман на традиционалното сирење.
Ова не е прв бизнис на Јорданов во земјоделството. Пред неколку години купувајќи го земјоделскиот комбинат „Вардар“ од Градско, стана газда на 5.592 хектари земјиште, лозови насади, овоштарници, оранжерии и на над 3.000 грла овци, а поседува и пасишта во Малореканскиот регион.
