Добивај вести на Viber
Американските работодавачи во октомври отвориле 171.000 работни места, објави во петокот американското министерство за труд. Сепак општото ниво на невработеност во САД е зголемено од 7,8 на 7,9 отсто. Аналитичарите очекуваат дека владиниот извештај за октомври ќе покаже 125.000 новоотворени работни места, надвор од руралните средини, пишува „MarketWatch“.
Ревизијата за август и септември покажува дека бројката на новоотворени работни места изминатите две месеци биле за 84 илјади повеќе од претходно објавената. Така во септември имало 148 илјади нови вработувања, а во август - 192 илјади.
Овие бројки се соопштуваат на само четири дена пред претседателските избори кои ќе се одржат во САД. Сепак, тие тешко дека ќе дадат поени на еден од двајцата кандидати за претседател - републиканецот Мит Ромни и актуелниот претседател Барак Обама.