БЛИНКЕН СЕ СРЕТНА СО АБАЗ: Toj повика на палестинска држава
Објавено во: Свет 10 Јануари, 2024
На состанокот во Рамала денеска aмериканскиот државен секретар Ентони Блинкен повика на палестинска држава.
Блинкен изрази поддршка за „опипливи чекори“ кон создавање на палестинска држава на Западниот Брег и Појасот Газа за време на состанокот со шефот на палестинската управа Махмуд Абас во Рамала.
Според извори, цитирани од Sky News Arabia, Блинкен на средбата ги посочил и „административните реформи“ кои треба да се случат во Палестиската управа.
Абас, наводно, барал Блинкен да го притисне Израел безусловно да ги ослободи сите даночни приходи што ги собира во име на Рамала.
По терористичките напади на палестинската група Хамас на 7 октомври врз Израел, израелскиот безбедносен кабинет гласаше за задржување на околу 100 милиони американски долари од средствата на Палестинската управа (ПУ) наменети за Газа под контрола на Хамас, како дополнение на парите еднакви на стотиците милиони што ПУ ги плаќа како помош на осудените палестински терористи и нивните роднини секој месец.
Инаку, Блинкен предупреди дека ако Хутите продолжат со напади во Црвеното Море, ќе има последици.
Хамас се залага за формирање на независна држава Палестина со главен град Ерусалим.