Бочварски: Вработувањето на сопругата како докторка е според закон

Добивај вести на Viber

Министерот за транспорт и врски Благој Бочварски вели дека се е според закон тоа што неодамна неговата сопруга и нејзината сестра се вработиле како докторки во клиничката болница во Штип.

Бочварски синоќа во емисијата „КликПлус“ на ТВ21 посочи дека секој граѓанин во државава треба да биде еднаков пред законот и да си ги остварува своите права и можности кои што ги нуди законот.

„Законот е јасен, доколку постапката е спроведена согласно закон секој има право да, согласно своето образование и професионални карактеристики, работи на одредени работни позиции. Доколку е запазен законот јас не гледам ништо спорно“, вели Бочварски.

ВМРО-ДПМНЕ го обвини Бочварски дека во јуни, еден месец по нивната брачна регистрација, неговатасопруга добива работа во штипската болница во ист ден заедно со неговата сестра.

Маринела Серафимова и нејзината сестра Мартина Серафимова во оваа болница се вработени, според ВМРО-ДПМНЕ, по неполни три месеци стаж во приватна здравствена установа како општи докторки на специјалистички оддели на Интерна и на Педијатрија во Клиничката болница Штип, со дозвола на директорот на болницата, Ален Ѓорѓие, без објавен оглас.

Свадвената веселба на Бочварски и неговата сопруга се одржа изминатата недела.