Бордињон: Фискален совет без независни членови нема поента
Објавено во: Финансии 17 Септември, 2017
Новата Влада најави дека планира воведување фискален совет за контрола како се трошат парите од буџетот, но допрва ќе се анализира какви да бидат неговите овластувања. Масимо Бордињон, член на ваквото тело на Европската Комисија, во интервју за Алсат М, вели дека главна задача на фискалниот совет е да даде независно гледиште на политиката на трошење на јавните пари.
„Првата важна работа е независноста. Ако имате фискален совет кој на некаков начин е зависен од политичките партии или од Владата, тоа никогаш нема да функционира. Независност значи да биде составен од луѓе кои ќе бидат таму X години и кои нема да зависат од владини одлуки“, вели Масимо Бордињон, член на Европскиот фискален борд.
Според Бордињон, формирањето фискален совет овозможува поголема транспарентност што значи увид на граѓаните во тоа како се трошат нивните пари. Тој мора да биде составен од стручни луѓе кои ја разбираат проблематиката. Во однос на дилемата дали да има само советодавна улога или и право на вето на одлуките на Владата, за Бордињон поприфатива е првата опција.
„Една работа е извршната власт. Тоа е Владата, таа е избрана од граѓаните. Има мандат да прави одредени работи и треба да има можност да ги направи тие работи. Друга работа е фискалниот чувар кој следи што прави владата во однос на буџетските прашања и вели јас мислам дека ова не функционира. Да се има можност за вето, според мене, е премногу, бидејќи тогаш на техничко тело ќе му дадете можност да става вето на однесувањето на владата, која што ги рефлектира желбите на граѓаните“, додава Бордињон.
Според планот на Министерството за финансии телото треба да биде формирано до 2019 година и државата да ја чини по 165.000 евра годишно. Целото интервју со Масимо Бордињон ќе можете да го погледнете во новото издание на „Економски магазин“, кое ќе се емитува во среда во 22 часот и 30 минути.
Можеби ќе ве интересира
БЕРЗИТЕ СО ГОЛЕМИ ЗАГУБИ - индексот S&P 500 падна петти ден по ред
МАКЕДОНЦИТЕ ВО ГЕРМАНИЈА НА ГОЛЕМИ МАКИ – најевтина кирија е 1.000 евра, во големите градови уште поскапо
„Доколку не се остварат ризиците, олабавување на монетарната политика во втората половина од годинава“: гувернерката Ангеловска-Бежоска за ВОА
ПОИСПЛАТЛИВО ИМ Е ДА ЖИВЕАТ ВО ХОТЕЛ, ОТКОЛКУ ВО СТАН ПОД КИРИЈА: Неверојатни цени на киријата во Швајцарија
НА ЕДНА ПЛАНИНА ВО СОСЕДСТВОТО ИМА ЗЛАТО ЗА ПОЛА ЕВРОПА: Стрикленд Металс влезе во „профитабилната српска игра за злато“
ЗА 100 ИНВЕСТИРАНИ МНОГУ БРЗО ДОБИВАТЕ 10.000 евра: Криптовалутите станаа најбезбедна инвестиција, а пазарот покажува раст на цените
Генерали Инвестментс: Централните банки ги држат пазарите на капитал во неизвесност
„ВО ХРВАТСКА СЕ СЀ НАПЛАЌА, ДУРИ И ТУШОТ НА ПЛАЖА“: Сместувањето рипна на 90 евра од ноќевање, сезоната се уште не е започната, а многумина предвидуваат пропаст
ГОТОВО Е: Познат е датумот кога ќе заврши „копањето“ на биткоин
