Борис Џонсон прима кислород
Објавено во: Свет, Корона Вирус 06 Април, 2020
Британскиот премиер Борис Џонсон прима кислород, пренесува весникот Дејли мејл, откако тој синоќа е итно пренесен во болница, а лекарите се сериозно загрижени за неговото здравје. Џонсон е хоспитализиран бидејќи неговите симптоми веќе 10 дена се присутни откако беше тестиран и се докажа дека е позитивен на Ковид-19.
Даунинг стрит и понатаму инсистира премиерот да ја контролира работата на Владата, без разлика што останува во болница без да се наведе кога ќе биде пуштен. Но, неговиот заменик, Доминик Раб веќе претседаваше на состанокот со Кризниот штаб, така што тој во моментов ја презема работата на премиерот.