БОРИСОВ ГИ БРАНИ РАБОТНИЦИТЕ: Повика газдите да си ги продадат скапите автомобили
Објавено во: Балкан, Корона Вирус 12 Април, 2020
Бугарскиот премиер, Бојко Борисов ги повика газдите во неговата земја да ги продадат скапите автомобили, за да ги задржат работниците во време на кризата поттикната од коронавирусот.
„Во сиромашна Бугарија има три „бугати“ како на Роналдо, дури 241 „бентли“ „ферари“ – 123, „мејбах“ има 54, „хамери“ 280, „јагуари“ близу 4.000 а „поршеа“ – близу 5.000 „мекларен“ – 22, „ламборџини“ има 87, „масерати“ – 311, „ролс Ројс“ , најверојатно сме први во Европа со 84 вакви возила“, објави Борисов пишуваат бугарските медиуми.
„Па, како што реков, ако некој бизнисмен можеше да ги задоволи вработените, тие можеа да намалат од 80 „ролс-ројса“ на 40. Сакам само да ги заштитам работниците“ – рече премиерот.
Во Бугарија вкупниот број заразени лица со Ковид-19 изнесува 675, соопшти Националниот оперативен штаб. Во текот на денешниот ден потврдени се шест нови случаи, од кои четири во Софија и два во Стара Загора, јави БГНЕС.