Босанците на идеја да ги заштитат ќебапите!

Добивај вести на Viber

Ќебапите се јадат на цел Балкан, па и пошироко, но во Босна и Херцеговина станаа своевиден симбол, заради што оваа држава има намера да го заштити нивниот бренд, пред да се сети некој друг. „И претходно имаше некои иницијативи да се заштитат ќебапите како бренд, но уште не е поднесено формално барање за нивна заштита. До сега во БиХ се заштитени само три бренда“, вели Јован Шарац, заменик-директор на Институтот за интелектуална споственост на БиХ. Тој напоменува дека ќебапите можат да бидат заштитени како посебен производ во категоријата храна и прехрамбени производи, бидејќи, како што вели, тие се својствени за овие простори. Притоа, ќебапите мора да се заштитат со географска одреденица која ќе го означува просторот каде што тие се произведуваат и продаваат. „Во случајот на ќебапите, може да се даде географска одредница, на пример сараевски ќебап. Ќебапите се произведуваат на Балканот и тие секаде имаат некои свои специфики, па како такви можат да се заштитат. Најважно е да се даде таа географска одредница која ќе означува дека на одреден простор се произведуваат по посебна традиционална технологија и тука веќе никој друг да не може да добие таква заштита“, објаснува Шарац. Со доделување на ознаки за географско потекло се постигнува и повисок степен на конкурентност и препознатливост на брендот на регионалниот и европскиот пазар.