Добивај вести на Viber
Двајца министри во БиХ, кои имаат приватни фирми, должат милионски износи по основ на царина и данок на додадена вредност (ДДВ), пишува сараевскиот весник Дневни аваз.
Весникот наведува дека станува збор за федералниот допремиер и министерот за земјоделство, шумарство и водостопанство, Јерко Иванковиќ Лијановиќ и министерот за труд, социјална политика и бегалците на Зеничко-добојскиот кантон, Ивица Чуриќ.
Двајцата министри заедно, на државата и должат преку 11 милиони марки (околу 5,5 милиони евра).
Според списокот за ДДВ должници кој неодамна го објави Управата за индиректно оданочување (УИО) на БиХ, компаниите кои се во директна или индиректна сопственост со Лијановиќ, по овој основ, должат околу пет милиони марки (2,5 милиони евра).
Станува збор за фирмите на Лијановиќ, "MИ-MO" (Мостар), "Фармер месна индустрија Широк Брег i "Тутунско поле Томиславград".
Министерот Ивица Чуриќ е основач на претпријатието "НБИ Чуриќ Жепче“, кое на списокот на УИО се наоѓа на шестото место на најголеми должници за ДДВ.
Весникот наведува дека Лијановиќ и Чуриќ земале и кредити кои на нивните компании, без покритие, ги делел поранешниот директор на „Хипо Алпе-Адриа Банка Мостар“, Петар Јуриќ и дека во обвинителството во БиХ се води случај против Јуриќ и браќата Лијановиќ, поради организиран криминал.
А.А.