Бошњаковски: Имаме интерес за детска кардиохирургија, но засега тоа не е клиниката на Жан Митрев
Објавено во: Македонија 31 Октомври, 2018
Владата е во преговори да склучи јавно-приватно партнерство за детска кардиохирургија со некоја од приватните клиники во Македонија, но засега не е сигурно дека изборот ќе падне на „Филип Втори“ на Д-р Жан Митрев, објави владиниот портпарол Миле Бошњаковски.
- Владата на Македонија и министерството за здравство во моментов не се во преговори со никого за заедничко учество во детска кардиохирургија. Во моментов само се прави анализа за решение и во која насока евентуалното јавно-приватно партнерство треба да се реализира во иднина. Таа анализа се прави исклучиво во интерес на децата. Консултациите се во тек и нема да се донесе никаква одлука пред да се утврди кое е најдоброто решение во однос на оделението за детската кардиохирургија со некоја од приватните здравствени установи од Македонија - одговори Бошњаковски на новинарско прашање.
Државата има интерес да влезе во партнерски однос со приватна установа по ова прашање со цел да го зголеми бројот на интервенции во Македонија а да го намали во странство.