Братот на Мартин: Потрагата за мојот брат станува прескапа

Добивај вести на Viber

Горан, братот на 31 годишниот Македонец Мартин Јовановски кој исчезна во морето во Грција, вели дека не си оди додека не го најде својот брат. 

Тој со сопругата и 10 месечното дете дојде од САД за да се приклучи во потрагата и да биде со својата мајка.

Горан апелира до грчката влада повторно да помогне и да се вклучи во потрагата, бидејќи како што вели нивните финансиски средства како семејство се исцрпени. Потрагата е прескапа. 

„„Заглавени“ сме во друга држава, но не можам дома да си заминам без брат ми. Не можам да и кажам на мајка ми како да се вратиме во татковината без него. Потрагата за мојот брат станува прескапа бидејќи се изнајмуваат чамци како и подводни дронови со термални камери“, вели Горан во изјава за грчки медиум. 

Додава  дека донациите им се важни и без нив не би можеле ништо да направат. На Халкидики морската струја повлече три момчиња, по што двајцата се спасија, но по Мартин уште трагаат.  Иван, едно од момчињата помина повеќе од 20 часа во море, и со помош на топка успеа да издржи додека да го спасат. 

foto printskrin