Брисел го менува текот на „Јужен тек”?

Добивај вести на Viber

Во петок (17 јануари) комесарот за енергетика Гинтер Јотингер ќе замине за Москва, каде ќе се сретне со министерот за енергетика Александар Новак. Отингер ќе го извести за потребата од  преговори за условите околу "Јужен поток". Ова вчера го соопшти портпаролот на ЕК Сабине Бергер за време на брифинг во Брисел. Таа додаде дека шесте држави, низ чии територии  ќе минува гасоводот, побарале од ЕК да се одржат преговори со руската страна, така што проектот да биде доведен во склад со европските правила. Бергер одби да одговори на прашањето дали Гинтер Отингер има мандат од ЕК за преговори со Москва. Потсетуваме дека постојаниот претставник на Русија во Брисел Владимир Чижков изјави дека Русија нема да води нови преговори за веќе потпишани договори, и покрај изјавите на ЕК дека нема да дозволи пуштање во употреба на гасоводот. "Јужен поток"го  нарушува европското законодавство во три точки и има потреба од специјална дозвола од страна на ЕК, за да може да функционира, најави пред еден месец комисијата. Ова одобрение може да биде постигнато само со нови преговори, овој пат на ниво на ЕУ - Русија, а не билатерални со одделни земји по трасата. Македонија има свое место во проектот, а според министерот за финансии Зоран Ставрески реализацијата на „Јужен поток“ ќе продолжи така како што е најавено. Тој упати и повик до Брисел и Москва, да отворат директен дијалог за решавање на сите прашања кои, како што изјави, Европската комисија ги потегна во однос на реализацијата на овој крупен меѓународен проект. К.К.