Брисел призна дека не може да ја исклучи Грција од еврозоната

Добивај вести на Viber

Правни механизами за исклучување на Грција од еврозоната не постојат, соопштија од прес-службата на Европската комисија.

Брисел го објави ова поради пишувањата во европски медиуми дека е можно Грција да биде исклучена од еврозоната, ако се објави дека не може да ги исплатат финансиските обврски за одобрените кредити.

Британскиот весник „Тајмс“ пишува дека земјите-членки на ЕУ готват план за исклучување на Грција од еврозоната, ако Атина прогласи банкрот во мај. Според весникот сличен план бил опишан во документот подготвен од Министерството за финансии на Финска во соработка со Германија.

„Со премолчена согласност на останатите земји од еврозоната започнат е процес кој може да заврши со исклучувањето на Грција од еврозоната“, пишува во цитатот во весникот „Тајмс“ документ со датум 27 март.

„Правен механизам за исклучување на Грција од еврозоната не постои. ЕК раководи со активностите на повеќе аранжмани меѓу Атина и меѓународните кредитори на основа на новата програма за реформи за продолжување на меѓународната финансиска помош за земјата“, соопштија од ЕК.

82% од Грците сакаат нивната земја да остане во еврозоната, покажуваат податоците од социолошкото истражување направено од агенцијата „Metron Analysis“ и цитирано од eлектронното издание „GRReporter“. Само 14 отсто од анкетираните се со мислење дека враќањето на драхмата ќе ја подобри економската состојба на Грција.

4% од учесниците во анкетата одбиле да одговорат. Истражувањето е направено во првите денови на април.