19 Февруари, 2025
0.0249

БРНАБИЌ ЗА СИТУАЦИЈАТА ВО СРБИЈА: Очигледно е дека парламентарната опозиција нема легитимитет

Објавено во: Балкан 29 Јануари, 2025

Добивај вести на Viber

Претседателката на српскиот парламент, Ана Брнабиќ денеска оцени дека одржувањето на нови избори би било демократско решение за актуелната ситуација во земјата бидејќи, како што наведе, „очигледно е дека парламентарната опозиција нема легитимитет“.

Таа на ТВ Хепи рече дека парламентарната опозиција повеќе не претставува никого, дека тоа е огромен проблем, наведувајќи дека, од друга страна, прашање е дали нешто би решиле со избори.

Брнабиќ изјави и дека привремената влада, која дел од опозицијата ја предлага како решение за излез од кризата, треба да се нарече „телепортска влада“ бидејќи ќе служи како „машина за телепортирање на опозицијата на министерски позиции“.

-Тоа би послужило да се телепортираат на власт бидејќи нема друг начин да дојдат на тие позиции. Срамота е што за ова зборува Милош Јовановиќ кој има два отсто поддршка од народот, сите се гледаат себеси на некои министерски позиции, рече таа.

Коментирајќи ги студентските блокади на факултетите, таа рече дека има многу негодувања кон ректорите и деканите и оти смета дека секој треба да си го одржи јавно дадениот збор.

-Цела Србија од ректорот на белградскиот универзитет на собраниската комисија слушна дека состојбата не е катастрофална за стотици илјади студентски семејства, затоа што има план, во овие осум дена никој не го видел планот. Време е да престанеме да ги делиме луѓето и да ги делиме студентите, секое насилство треба да се осуди од сите страни, додаде таа.

Зборувајќи за оставката на српскиот премиер Милош Вучевиќ, таа рече дека тој чин е чесен и одговорен. „Тоа што го направи е невообичаен чин во демократските земји“, рече претседателката на Собранието.

-Тешко дека по оваа влада некогаш ќе видиме повторување на времето што го имавме пред 2012 година, кога немаше политичка одговорност. Сега имаме примери на кои сите ќе се повикуваат, додаде Брнабиќ.


Можеби ќе ве интересира

СЕ УРНА КАРПА КАЈ ДУБРОВНИК: Удри во автомобил во кој загина маж

СЕ УРНА КАРПА КАЈ ДУБРОВНИК: Удри во автомобил во кој загина маж

Милановиќ полага заклетва за втор петгодишен мандат - никој од хрватската влада не присуствува на инаугурацијата

Милановиќ полага заклетва за втор петгодишен мандат - никој од хрватската влада не присуствува на инаугурацијата

СО КОСОВСКИ ЗНАМИЊА ПОМИНУВАЛЕ НИЗ МИТРОВИЦА И ГИ ПРОВОЦИРАЛЕ СРБИТЕ: Полицијата уапси 11 луѓе

СО КОСОВСКИ ЗНАМИЊА ПОМИНУВАЛЕ НИЗ МИТРОВИЦА И ГИ ПРОВОЦИРАЛЕ СРБИТЕ: Полицијата уапси 11 луѓе

ВУЧИЌ: Никогаш не сум запалил цигара, не сум се напил кафе и само еднаш сум се степал

ВУЧИЌ: Никогаш не сум запалил цигара, не сум се напил кафе и само еднаш сум се степал

УАПСЕН Е ЧОВЕКОТ КОЈ МУ СЕ ЗАКАНУВАШЕ НА ВУЧИЌ: Што му пиша на претседателот?

УАПСЕН Е ЧОВЕКОТ КОЈ МУ СЕ ЗАКАНУВАШЕ НА ВУЧИЌ: Што му пиша на претседателот?

ФАБРИКА И ЗА ВАКЦИНИ И ЗА ЗМИСКИ ПРОТИВОТРОВ: Силна инвестиција во Хрватска

ФАБРИКА И ЗА ВАКЦИНИ И ЗА ЗМИСКИ ПРОТИВОТРОВ: Силна инвестиција во Хрватска

Онлајн измамите стануваат „професија“ во Словенија: Свртени 30 милиони евра

Онлајн измамите стануваат „професија“ во Словенија: Свртени 30 милиони евра

Сосед прогласи крај на ковид пандемијата

Сосед прогласи крај на ковид пандемијата

ДЕТСКИ ПРОИЗВОД ИТНО СЕ ПОВЛЕКУВА ОД ПЕПКО! Постои ризик од задушување, веднаш вратете го!

ДЕТСКИ ПРОИЗВОД ИТНО СЕ ПОВЛЕКУВА ОД ПЕПКО! Постои ризик од задушување, веднаш вратете го!