Добивај вести на Viber
Министерството за финансии ги објави податоците за реализација на Буџетот во април. Според сумираните податоци, во четвртиот месец од годинава владата потрошила 233,7 милиони евра, а вкупните приходи изнесувале 233,8 милиони евра . Буџетскиот дефицит во април изнесувал стотина илајди евра, со што ова преставува и еден од најниските дефицити што се реализирале во изминатите години.
Со овие податоци, од јануари до април буџетскиот дефицит изнесувал 102,3 милиони евра или за четири месеци е потрошена една третина од буџетскиот дефицит планиран за целата година.
Ако се направи споредба со буџетската реализација во март, се забалежува намлаување и на приходната и на расходната страна. Така, податоците покажуваат намалување на вкупните даночни приходи и придеси, кои во април изнесувале 211,5 милиони евра. Во однос на март е забележено намалување на приходите од данокот на добивка и од акциза, додека раст се забележува кај приходите од ДДВ, персоналниот данок, увозните давачки, придонесите и другите даночни ставки. Во април во однос на март е регистрирано намалување кај неданочните приходи кои изнесувале 15,1 милион евра.
На расходната страна, во април во однос на март, биле реализирани пониски раходи за плати и надоместоци, ставка преку која се потрошиле 32,6 милиони евра, потоа намалување има кај расходите за стоки и услуги, за трансфери и за каматни плаќања за долговите. Имено по основ на отплата на камати за долгови во април се потрошиле 3,3 милиони евра, пришто значјно намалување е регистрирано кај отплатата на камати по основ на надворешен долг, додека пораст има кај каматите што се плаќале кон домашните кредитори.
Буџетскиот дефицит во април изнесувал само стотина илајди евра, што претставува еден од најниските остварени дефицити во изминатите години.