Буџетските амандмани за источна Македонија не минаа, на ред доаѓа западна

Добивај вести на Viber

Што ќе преземе собранскиот спикер Трајко Вељановски за како што вели “да обезбеди деблокада“ на амандманската расправа за Буџетот? Какви мерки планира Вељановски за пратениците? Овие прашања отвораат сериозна дебата откако денеска од кабинетот на собранискиот спикер осамна соопштение по средбата со претседателот на Комисијата за финасирање и Буџет, Марјан Николов. “Доколку во наредните денови динамиката на работење на Комисијата за финансирање и буџет не се забрза и со тоа не се покаже извесност за нејзино навремено завршување, тогаш претседателот на Собранието Вељаноски непосредно ќе преземе мерки за нејзино деблокирање.“ – напишаа од кабинетот на спикерот Вељаноски. Смена на Николов Кои се инструментите за интервенција? Во отсуство на официјално образлжение за тоа какви мерки ќе преземе Трајко Вељановски, пратениците велат дека единствено што може да се направи е да се издејствуваат временски  ограничувања на амандманските предлози, реплики и контрареплики. Со оглед на тоа што актуелниот претседател на Комисијата за финансирање нема да  го дозволи тоа, пратеници велат дека “краен“ потег што го дозволува деловникот е барање за смена на Николов. Но, во тој случај ќе мора да заседава Комисијата за избори и именување, што пак значи вовед во нов судир на релација власт – опозиција. Додека претседателот на Собранието најавува деблокада на расправата, а министерот за финансии Зоран Ставревски повторно обвини дека опозицијата со стотиците амандмани сака да предизвика хаос и да го закочи донесувањето на новиот Буџет, пратениците од опозицијата не отстапуваат од тоа дека амандамните се нивно единствено  легитимно право со кое можат да влијаат на буџетот. Доцна попладнево, за време на амандманската дебата,  пратеници од власта повторно обвинија дека опозицијата спроведува сценарио за блокада на Буџетот за 2013 та. Од собраниската говорница, пратеникот Марјанчо Николов возврати дека тоа ќе го ценат граѓаните. “Апелирам до колегите пратеници да се држиме до дневниот ред и по амандманската расправа за буџетот за 2013 та година. Граѓаните се доволно свесни и сами ќе ценат кој, како и на кој начин ги брани нивните интереси од говорница. Секој пратеник си носи одговорност за својот настап. Апелирам, барам, укажувам да се зборува за амандамните, а вие колега Ромео Тренов бидете убедени дека нема сценарио за било што “ – изјави Николов. Не е усвоен ниту еден амандман за источна Македонија Пратеникот од НСДП, Горан Мисовски смета дека правото да се дебатира е загарантирано со устав. “Ако нешто не можете да го одземете со декрет тоа е да се бориме за правата на граѓаните. Тоа ни е загарантирано со Устав. Мене не ме интерсира ни за реплики ниту за контралепики, туку како да ги бранам и штитам интересите на граѓаните“ – изјави Мисовски. Амандманската расправа за Буџетот продолжи и вечерва. Владата не прифати ниту еден од амандманите што се однесуваа на општините од Источна Македонија. Пратеничката Билјана Казанџиска обвини дека фунционерите од власта немаат слика за тоа како живеат луѓето во овој дел од Македонија, дека пијат радиоактивна вода и дека немаат елементарни услови за живот. “Додека вие овде дури и на собраниска дебата јадете, граѓаните гладуваат“ – му рече Казанџиска на министерот за финасии Ставревски. Д.А.