Среброто привлекува сè поголемо внимание од купувачите, eве зошто...

Добивај вести на Viber

Среброто привлекува сè поголемо внимание од купувачите на глобалните пазари, првенствено затоа што цената на златото драматично се зголеми оваа година, објави Блумберг.

На ова првенствено влијаеја економските мерки на администрацијата на американскиот претседател Доналд Трамп, особено во областа на царинската политика, што ги наведува инвеститорите и централните банки да посегнуваат по побезбедни средства.

И двата благородни метали доживуваат пораст на побарувачката од инвеститорите, кои сакаат да се заштитат од политички турбуленции, инфлација и слабост на валутата.

Сепак, за разлика од златото, среброто не е само ретко и убаво, туку има и многу корисни својства, што го прави вредна компонента во низа производи.

Среброто е одличен електричен спроводник што се користи во електронски кола и прекинувачи, електрични возила и батерии. 

Сребрената паста е клучна состојка во соларните панели, а овој метал се користи и во премази за медицински помагала.

Со залихите близу историски најниски нивоа и сè позаинтересираните купувачи, постои ризик од недостиг на понуда на скапоцениот метал што би можел да влијае на повеќе индустрии.

Постојано високите цени ја еродираа профитабилноста на индустриските корисници и потенцијално ги наведоа да ги заменат сребрените компоненти со други метали.

Како и златото, среброто останува популарна состојка за производство на накит и монети. Кина и Индија остануваат главни купувачи на сребро, благодарение на нивните огромни индустриски бази, големото население и важната улога што ја игра сребрениот накит во зачувувањето на вредностите што се пренесуваат од генерација на генерација, пренесува Б92.

foto freepik.com