Бугарија и Србија спремни, Русија почна со изградба, во Македонија молк за „Јужен тек“!

Добивај вести на Viber

Бугарија ги средува последните планови за почеток на изградбата на „Јужен тек“ на нејзината територија, Србија се подготвува за за градба на главниот цевковод, во Македонија се молчи за ова прашање. Српската министерка Зорана Михајловиќ вчера изјави дека, во договор со руските партнери, очекува изградбата на гасоводот „Јужен тек" низ Србија да започне во 2013 година, со што ги отфрли шпекулациите дека целиот проект ќе биде одложен за 2014-та година. Михајловиќ потсети и дека во меѓувреме се води дебата во српскиот парламент за носење посебен закон кој треба  да го забрза спроведувањето на проектот „Јужен тек". Изградбата на гасоводот во Русија започна кон крајот на минатата година, а Србија најави дека работите на главниот цевковод во која Србија вложува 1,7 милијарди евра, ќе започнат во првиот квартал од оваа година. Вчера и Министерството за енергетика објави јавен повик за изградба на мали хидроцентрали (ХЕЦ) на 317 локации во Србија, во која е можно да се инвестира 120-200,000,000 евра, рече Михајловиќ. Се проценува дека изградбата на хидроцентрали во Србија може да се создаде околу 1.000 нови работни места, Михајловиќ рече на прес-конференција во српската влада. Во 2013-та  почнува изградбата и на гасоводот во Бугарија  Бугарија веќе се спрема за изградба на гасоводот Јужен тек. Од компанијата која ќе гради гасоводот„ South Stream Transport“, објавија на својата веб-страница извештај за нивните идни чекори. Според документот, подводниот дел на трасата ќе биде граден во четири фази. Трасата во должина од 930 километри ќе тргнува од рускиот град Анапа и ќе поминува низ бугарската и турската економска зона во Црното Море. Цевките излегуваат крај Варна и по три километри на копно, ќе се вклучат во бугарската преносна мрежа за гас, објаснуваат од компанијата. За да ги заштитат плажите и водите од загадување при евентуални несреќи, цевките ќе бидат закопани во песок на длабочина од 2,5 метри пред да излезат на површината. Во остатокот од подводна рута, цевките ќе бидат поставени директно на морското дно. Според планот, рокот за забелешки за изготвениот проект истекува на 22-ри февруари, по што ќе биде договорено кога и официјално ќе почнат градежните работи. Македонија тешко фаќа чекор со соседите Плановите за влез на гасоводот „Јужен тек“ во Македонија сеуште лебдат во воздух. Потпишан договор нема. Кон крајот на минатата година Министерот за финансии, Зоран Ставрески истакна дека е во завршна фаза разгледувањето на спогодбата за приклучување на Македонија кон „Јужен тек“од руска страна и дека до крајот на јануари треба да добиеме конечен одговор. „Разгледувањето е во завршна фаза од страна на руската влада и очекуваме до крајот на јануари да добиме повратен одговор дека спогодбата е прифатлива и да ја потпишеме. Тоа ќе овозможи да се спроведат останатите активности како што се формирање заедничко претпријатие, изградбата на кракот кон Македонија“, изјави на 12-ти декември министерот за финансии, Зоран Ставрески. Mакедонска делегација присуствуваше и на почетокот на работите за изградба на гасоводот во Русија. Тогаш Сергеј Икоников, претставникот на „Газпромекспорт“ во Македонија посочи дека без рускиот гасовод, земјава ќе се соочи со недостиг од гас. „Без тоа невозможна е реализацијата на зацртаната програма во областа на енергетиката и развојот на Македонија заради ниската пропусна моќ на единствениот постоечки гасовод што го има земјата“, изјави Икоников. Ј.Ј.