Бугарскиот премиер Петков сепак доаѓа во земјава идната недела
Објавено во: Македонија 11 Јануари, 2022
Бугарскиот премиер Кирил Петков идната недела сепак доаѓа во Скопје.
Од Министерството за надворешни работи(МНР) информираат дека посетата ќе се реализира во вторник, 18 јануари, како што и првично беше најавено. Дотогаш се очекува да заврши изолацијата на Петков.
„Одлуките на здравствените власти на Република Бугарија за самоизолација на дел од владиниот кабинет на премиерот Кирил Петков, нема да ја променат претходно договорената рамка за посетата на високата бугарска владина делегација на Скопје“, соопшти денеска Министерството за надворешни работи.