БУГАРСКИТЕ ВЛАСТИ СО ДЕТАЛИ: Се плаќало и до 8000 евра за пасош?

Добивај вести на Viber

Во Бугарија четири лица се обвинети за издавање потврди за потекло и пасоши.

За таа услуга земале од 5 до 8.000 евра. Овие пари се давани на луѓето од понискиот ешалон, службеници. 

Tрет ден oвој скандал ја тресе земјата. 

Заменикот главен обвинител, Иван Гешев, рече дека ова е најсериозен корупциски случај во повисоките нивоа на власта. 

Властите поднесоа обвиненија за учество во криминална група и корупција, по акцијата во Државната агенција за Бугарите во странство. 

Директорот Петар Харалампиев, кого обвинителството го гони како главен на групата, и генералниот секретар, Красимир Томов се двајца од обвинетите, додека останатите 16 уапсени се ослободени. 

Обвинителството го сомничи Харалампиев дека ја организирал групата за да издава неосновани потврди за бугарско потекло на странци, за добивање на бугарски пасош.  Според податоците од бугарските власти до сега се издадени 153.000 пасоши а 38.000 се во процедура. Најголем интерес имало во Македонија а потоа следат Србија, Молдавија, Албанија и Русија.

Откако се појави аферата, опозицијата обвини дека агенцијата за Бугарите во странство всушност е под контрола на Красимир Каракачанов и неговото ВМРО, а не како што е законски пропишано под вицепремиерот. Партијата „Вољја“ тврди дека тие уште пред една години предупредиле за криминални дејства во агенцијата.

Од партијата на Каракачанов велат дека случајот се користи за политички маркетинг.

Ние секогаш ја браневме каузата етничките Бугари од Македонија, Молдавија и Украина да добијат државјанство со поедноставена постапка. Ова го кажал Красимир Каракачанов министер за одбрана и лидер на бугарската партија ВМРО, во емисијата „Ова утро" емитувана утрово на БТВНовините по обвинувањата на новинарот и политичар Велизар Енчев.

Наскоро ќе има нови услови за добивање на бугарски пасоши. 

За една година 10.000 Македонци аплицирале. Неизвесно е дали тие ќе останат и без пари и без пасоши.