Бујар Османи: Имаме 30 отсто процентност на одбиеност на визи за САД

Добивај вести на Viber

Министерот за надворешни работи Бујар Османи во синоќешното гостување во емисијата „Заспиј ако можеп“ на ТВ Алфа рече дека интересорска група работи на можноста за укинување на визите за патување во САД, но дека е многу голем процентот на одбиеност.

„Еден од условите е процентот на одбиеност на барањата за виза да биде под 5 проценти, но за жал ние сме на 30 проценти одбиеност на визи и мора да го подобриме системот за процентот да падне под тој праг за да се повлечат визите“, рече Османи во емисијата.

Шефот на македопнската дипломатија тврди дека почеток на Стратешки дијалог меѓу Македонија и САД нема да биде компензација за евентуалнно неотпочнување на преговорите со ЕУ и уште една блокада од Бугарија во јуни. Османи тврди дека станува збор за издигнување на односите со САД на едно повиоско ниво

„Јас не го гледам тоа како компензација за евентуалното недобивање датум од ЕУ. Јас никогашп не гледам на тоа како на алтернатива на тие два процеса, туку како на комплементарни, тие се надополнуваат еден со друг. Дијалогот по 14 години е реализација на стратешката изјава од 2008 и да ја ставиме во рамка, да создадеме систем за мониторинг на имплементацијата на приоритетите. На 2 јуни одиме во САД, од американска страна процесот ќе го води Керен Донфрич, тој е секретар за Европа и Евроазија“, тврди Османи.

Тој дополни дека МНР секоја недела реагира на употребата на придавката „северномакедонски“

„Нема недела да нема реакција, обично во земјите каде граматиката е таква, како во Германија, но грешките се нанемирни“, вели Османи.