Бутарис разочаран, се оградува од протестот против името на Македонија
Објавено во: Балкан 22 Јануари, 2018
Градоначалникот на Солун, Јанис Бутарис, јасно се oгради од вчерашниот протест во градот, против правото на Република Македонија да го употреби терминот „Македонија“ во нејзино име. Протестот беше организиран од неколку националистички формации, вклучувајќи ја и неонацистичката Златна Зора. Според полицијата, околу 30.000 луѓе учествувале во демонстрациите.
„Многу сум разочаран поради тоа што по 25 години спорови околу името на Скопје, ние сме во иста положба“. Психологијата, ставот на многу грчки граѓани не се промени, проблемот е што луѓето веруваат дека Македонија ќе го одземе нашиот идентитет, никој нема. Тие не се закана за нас. Луѓето се многу слабо информирани, си замислуваат нешта што не се вистинити, дека тие ќе ни ја украдат нашата историја, ќе нѐ преземат“, изјавил Бутарис за медиумите.
Градоначалникот Бутарис има клучна улога во преговорите помеѓу властите во Скопје и Атина за името на Македонија.
Премиерот Ципрас, исто така, отстапи од националистичките повици во земјата.
„Ги повикувам нашите сограѓани да бидат трезвени и да го разликуваат она што е добро за националниот интерес и она што не е. Недостатокот на решение за спорот околу името го поткопува, изјави Ципрас и додаде: „Во текот на 25 години нашите соседи се признати под името „Република Македонија“од голем број земји во светот, додека ние се бориме секаде, да ги нарекуваат ФИРОМ“. „И не е апсурдно да се вклучи името „Македонија“ -во едно сложено име - географска одредница, но исто така за сите да е јасно дека тоа нема да содржи претензии кон историјата и територијалниот интегритет на други народи“, рече уште Алексис Ципрас.