ЦАРОВСКА СО ПОФАЛБИ: Минималната плата ги даде очекуваните резултати
Објавено во: Македонија 27 Март, 2018
Минималната плата ги даде очекуваните резултати. Таа освен што ги изедначи вработените во текстилната, кожарската и чевларската индустрија со останатите гранки, придонесе за зголемување на просечната плата во овие сектори, но и на просечната плата во Македонија во висина од 5,6 отсто, изјави денеска министерката за труд и социјална политика Мила Царовска.
Со тоа е постигнато зголемување на просечната плата во производство на облека за 16 отсто, а во текстилна индустрија над 24 отсто, или раст од 3.870 денари, рече Царовска.
Министерката вели дека 90.000 работници добија над 12.000 денари плата. Од нив, само 10 илјади се субвенционирани од државата што покажува дека законот се имплементира без голема апсорпција на буџетски средства. Ова, според Царовска, укажува дека фирмите се во добра кондиција, и дека мерката не е преуранета.