Целиот свет на кафето под еден кров-втор cooffe fest во Скопје

Добивај вести на Viber

Coffee Fest Skopje е настан кој го слави мирисот на кафе во нашиот град. Оваа манифестација која има промотивен, деловен, едукативен и забавен карактер. Се одржува по втор пат од 13 па се до 16 јуни во кафе бар АБЦ. Идејата на овој фестивал е на едно место да се соберат сите оние на кои кафето им е на прво место: од производители и дистрибутери на кафе и опрема па се до финалните уживатели на кафето. Фестивалска атмосфера преку дружење со шоља кафе е идеално место за деловни разговори. Покрај штандовите на изложувачите на кафе и чај и останатите содржини, фестивалската бина ќе биде центар за забава и едукација, од презентации на нови производи, до натпревари на Баристи, дегустации и музичка програма. Посетителите ќе имаат можност да пробаат повеќе брендови на кафе и чај, да се едуцираат за подготовката, потеклото и различните видови на кафе и чај, да учествуваат во натпревари, и секако да се забавуваат. За најмалите посетители се организирани детски игри, претстави и работилници. Фестивалот е со амбиција да прерасне во урбана манифестација со традиција и со сопствен белег.