Цената на акцијата на Фершпед оди надолу!

Добивај вести на Viber

По неколкудневниот раст на цената на акциите на Фершпед, вчера се случи максимална корекција надолу на цената за цели 10 проценти. Падот на цената на акцијата се случува откако Кираца Трајковска, еден од поголемите акционери изјави деја дека своите 10,63% акции ги дала како влог во фирмата „Консалтинг инвестментс син ДООЕЛ“ Скопје. „Не си одам од Фершепд. Јас сум еден од основачите на Консалтинг инвестментс син ДООЕЛ. Акциите кои што ги поседував ги дадов како влог во оваа компанија поради претходно даден заем“, изјави Трајковска. Таа вели дека ќе присуствува на претстојното вонредно акционерско собрание како член на Надзорен одбор. Сепак неизвесноста во компанијата и, се чини вештачки предизвиканаиот ценовен раст доведе до намалување на цената вчера за 10 проценти, иако се продаде само една акција. Индикативно е дека ниту Македонската берза, ниту Комисијата за хартии од вредност не реагираа на последните случувања, иако е јасно дека врз база на недоволно проверени информации цената порасна на фантастични 201 000 денари по акција, што е 5 пати повеќе од цената на акцијата во последнава година.

Од Комисијата за хартии од вредност вчера за Фактор изјавија во тек е контрола и се додека не заврши, нема да објавуваат детали.

Во меѓувреме очите ќе бидат вперени во акционерското собрание закажано за по божикните празници.