Цените на акциите Фершпед се вивнаа нагоре – уште колку ќе растат?!

Добивај вести на Viber

Превирањата во Фершпер доведоа до драматичен раст на цените на акциите. Една акција на оваа компанија стигна до цена  од 2.974 евра, иако пред помалку од еден месец се продаваше под 1000 евра.  Како што покажуваат податоците од „Македонска берза“, само минатата недела беа истргувани акции за околу 1 милион евра. На 19 декември, на пример, во блок трансакција продадени беа акции од околу половина милион евра. Познавачите на состојбите шпекулираат дека цената на акциите на Фершпед се движи и двојно повеќе од моменталната , зависност од тоа колкав број акции се нудат во паке. Растот на цените доаѓа во екот на битката за превласт во компанијата меѓу Кираца Трајковска и Штерјо Наков. Од Македонската берза за Фактор веќе посочија дека внимателно ги следат случувањата. „Во врска со тековните случувања околу тргувањето со акциите на Фершпед АД Скопје примарна задача на Берзата е да обезбеди фер и уреден секундарен пазар на хартии од вредност. На инвеститорите моментално им се јавно достапни соодветни информации објавени како од самото друштво, така и од определени поголеми акционери во друштвото, врз основа на коишто можат да се донесуваат адекватни одлуки за купување, продавање или воздржување од тргување. Истовремено, тргувањето на Берзата се одвива според прецизно утврдени Правила за тргување, одобрени од Комисијата за хартии од вредност на Република Македонија, со кои се запознаени сите учесници на пазарот на хартии од вредност, посочија викендов за Фактор од Македонската Берза. Вонредно акционерско собрание е закажано за 10-јануари следната година. Тогаш ќе биде познато дали ќе има промени во структурата на менаџментот на компанија. Според податоците Штерјо Наков со неговите синови поседува 25 % од акциите во Фершпед, Кираца Трајковска поседува 10,6 %, Драгослав Димевски има 5%, а странските инвеститори кои ги застапува адвокатот Венцислав Гушев имаат околу 2,8% од акциите на Фершпед. Останатиот дел е во рацете на помалите акционери.