Цените на алкохолот и цигарите во Србија одат нагоре - која е причината?
Објавено во: Економија, Балкан 12 Ноември, 2016
По барањата на ЕУ, акцизите за „тврдиот" алкохол и цигари ќе бидат зголемени во Србија.
Од Министерството за финансии на земјата формираа работна група која треба да го подготви новиот закон, врз основа на кој акцизната политика на Србија ќе биде усогласена со нормите и стандардите на ЕУ.
Ако барањата на Брисел бидат целосно прифатени, тогаш акцизите за домашната ракија и за вискито ќе станат исти. Ова ќе доведе до поскапување на „тврдиот" алкохол во Србија со најмалку 192 динари за литар.
Европската комисија смета дека акцизната политика на Србија во секторот на алкохолните пијалоци создава поволни пазарни услови за производителите што е спротивно на принципите на Брисел. Во земјата ќе поскапат и цигарите, иако не толку драстично како алкохолот. Акцизата на тутун ќе се зголемува постепено во согласност со акцизен календар составен за 4 години.