Цените на нафтата се зголемија за околу 2 проценти
Објавено во: Економија 15 Ноември, 2016
Цените на нафтата се зголемија за околу 2% денеска и се мрднаа од дното на кое беа ден порано, соопшти Ројтерс.
Цената беше охрабрена од очекувањата за понизок принос од наоѓалиштата и од обновениот оптимизам дека ОПЕК ќе постигне договор за намалено производството.
Американската лесна сурова нафта WTI поскапе со 2,35% до 44,34 долари за барел до 11:00 часот, а цената на европскиот репер Брент се зголеми со 1,87% до 45,26 долари за барел.
„Новините, дека Катар, Алжир и Венецуела поведуваат иницијатива за договор во ОПЕК ги поттикнуваат цените на нафтата"- коментираат аналитичарите од IG Group.
Официјалната средба на ОПЕК е закажана за 30 ноември во Виена.
Во меѓувреме Ирак објави дека ќе го намали извозот на суровата нафта сорта „басра" од јужните пристаништа до 3,16 милиони барели дневно во декември. Во ноември нивото е 3,24 милиони барели. Нивото во декември би било најниско за четири месеци.