ЦЕНИТЕ НА ОВОШЈЕТО СЕ „ЛУДИ“ ВО ОВАА ЗЕМЈА: Три јаболка во целофан 22 евра, диња двојно поскапа, мешано пакување чини над 150 евра!
Објавено во: Свет 12 Јануари, 2024
Еден TikToker од Хрватска, кој на споменатата социјална мрежа се нарекува „Alekscro“, сподели видео со цените на овошјето во Јужна Кореја и ги остави сите без зборови.
Имено, како што самиот појаснува, овошјето е ценет продукт во Јужна Кореја, но и многу скап.
Тој објасни дека тие секогаш се убаво спакувани и изгледаат скоро идентично.
Но, кога станува збор за цените, тие се вртоглави. Така на пример, три јаболка спакувани во целофан кои чинат дури 22 евра, диња со цена од околу 40, додека помалку од килограм грозје чини 22 евра.
Бидејќи тоа е Јужна Кореја, за нив не е чудно. „ТикТокер“ објаснува дека „не е скап“ за Корејците, затоа што имаат многу висок стандард, а скапо е затоа што сега не е сезона и увезуваат овошје.
Видеото е направено ден пред Нова Година, па редот во продавницата бил прилично долг за овошјето. Како што наведува дечкото, го купуваат на подарок.
На пример, еден таков подарок пакет во Јужна Кореја може да ве чини 180 евра.