29 Септември, 2023
0.0298

ЦЕНИТЕ НА СТАНОВИТЕ ВО ЕВРОЗОНАТА ВИВНАА ВО НЕПОВРАТ: Во Чешка, Естонија, Италија... поскапувањата се и до 25 отсто

Објавено во: Економија 09 Јули, 2022

Добивај вести на Viber

Цените на становите во ЕУ и во еврозоната многу пораснаа, а во Хрватска нивниот раст е над европскиот просек, се вели во извештајот на европскиот статистички институт Еуростат, кој го објави Хрпортфолио.

На годишна основа, цените на недвижностите во ЕУ се зголемија за 10,5 отсто во првите три месеци од оваа година, што е највисоко од крајот на 2006 година. На крајот на 2021 година тие се зголемија за 10,1 отсто.

Во еврозоната цените скокнаа за 9,8 отсто во првиот квартал, што е највисоко откако Еуростат почна да објавува податоци во 2005 година. Во последниот квартал од минатата година се зголемени за 9,4 отсто.

Сите земји од ЕУ чии податоци беа достапни на Евростат забележаа годишен раст на цените во првиот квартал, во 17 од нив стапката на раст беше двоцифрена.

Цената на станбените недвижности во Чешка порасна за 24,7 отсто. Следат Естонија со 21 отсто и Унгарија со 20,6 отсто.

Во Хрватска цените на станбените недвижности во првиот квартал од годинава се повисоки за 13,5 отсто во однос на истиот период лани. Во претходниот квартал тие пораснаа за 9,1 отсто на годишна основа.

Кипар имаше најскромен раст на цените, 1,1 отсто. Следуваат Финска и Италија, каде цените на недвижностите пораснале за 4,3, односно 4,6 отсто. Евростат нема податоци за Грција.

Сите земји-членки имаа пораст на цените на тримесечно ниво, а најсилно беше во Естонија, каде што скокнаа за 7,1 отсто. Следуваат Унгарија и Бугарија, со пораст на цените на недвижностите за 6,7 и 5,2 отсто, соодветно.

Најблаг раст на цените на недвижностите на квартална основа има во Малта, за 0,4 отсто. Следуваат Кипар и Германија, каде што забележале раст од 0,5, односно 0,8 отсто.


Можеби ќе ве интересира

МАЛИТЕ АКЦИОНЕРИ НЕ МУ ГИ ПРОДАДОА АКЦИИТЕ НА „ГОЛЕМИОТ“ - Селаудин Арифи останува газда на 74 отсто од „Жито Караорман“

МАЛИТЕ АКЦИОНЕРИ НЕ МУ ГИ ПРОДАДОА АКЦИИТЕ НА „ГОЛЕМИОТ“ - Селаудин Арифи останува газда на 74 отсто од „Жито Караорман“

Дрин Ахмети стана директор на Соравиа

Дрин Ахмети стана директор на Соравиа

ЕКСПО СЕКТОРОТ СЕ ВРАЌА ВО ИГРА - значајни успеси после паузата од пандемијата

ЕКСПО СЕКТОРОТ СЕ ВРАЌА ВО ИГРА - значајни успеси после паузата од пандемијата

Ѓорѓе Војновиќ е реизбран за член на Одборот на директори на Триглав Осигурување АД

Ѓорѓе Војновиќ е реизбран за член на Одборот на директори на Триглав Осигурување АД

Во која европска земја има најмногу слободни работни места?

Во која европска земја има најмногу слободни работни места?

ВАЖНО ЗА ВОЗАЧИТЕ, ГОРИВАТА ИМААТ НОВИ ЦЕНИ - еве кој ќе се израдува, а кој ќе остане рамнодушен

ВАЖНО ЗА ВОЗАЧИТЕ, ГОРИВАТА ИМААТ НОВИ ЦЕНИ - еве кој ќе се израдува, а кој ќе остане рамнодушен

Пелетите остануваат со повластена даночна стапка, како и дигиталните учебници

Пелетите остануваат со повластена даночна стапка, како и дигиталните учебници

АПИС: Државна лотарија да ја преиспита одлуката за организирање игри на среќа на интернет

АПИС: Државна лотарија да ја преиспита одлуката за организирање игри на среќа на интернет

Бектеши: Зимоска ќе имаме поевтино јужно овошје

Бектеши: Зимоска ќе имаме поевтино јужно овошје