ЦЕНИТЕ НА ЗЛАТОТО МОЖЕ ДА НАДМИНАТ И 5.000 ДОЛАРИ: Голдман Сакс со предупредување
Објавено во: Економија 05 Септември, 2025 10:43
Цената на златото би можела да се искачи на речиси пет илјади американски долари за унца доколку нападите на американскиот претседател Доналд Трамп врз Федералните резерви ја оштетат независноста на американската централна банка, предвиде Голдман Сакс.
Златото порасна за 35 проценти оваа година на повеќе од 3,5 илјади американски долари за унца, што го прави еден од најуспешните големи средства во светот, објавува SEEbiz.
Инвеститорите и централните банки се насочија кон благородниот метал барајќи заштита од политичката несигурност и грижите за долгот што ги турнаа традиционалните безбедни засолништа како доларот и државните обврзници надолу.
Стравот дека американската администрација би можела да ја поткопа независноста на најважната централна банка во светот поттикна нови приливи во металот, кој традиционално се смета за заштита од инфлација.
Инвеститорите се загрижени дека политизацијата би ја направила Федералната резервна банка посклона да ги намали каматните стапки отколку што би било поинаку, што би ги зголемило долгорочните инфлаторни очекувања и би ги намалило цените на државните обврзници.
Обидот на Трамп да ја отстрани гувернерката на Федералните резерви, Лиса Кук, најновата ескалација во неговата битка со централната банка, е оспорена на суд оваа недела.
„Сценарио во кое независноста на Федералните резерви е еродирана веројатно би довело до повисока инфлација, пониски цени на акциите и долгорочните обврзници и ерозија на статусот на доларот како резервна валута“, рече Даан Струјвен, ко-раководител на истражувањето на глобалните стоки во Голдман Сакс.
Тој додаде дека златото е средство за складирање вредност кое не се потпира на институционална доверба.
Основното сценарио на банката е цената на златото да се искачи на 4.000 долари за унца до средината на следната година, но Струјвен рече дека големото повлекување на приватните инвеститори од средствата деноминирани во долари, како што се американските државни обврзници, би можело дополнително да ја зголеми цената.
„Ако еден процент од пазарот на приватни државни обврзници на САД се префрли на злато, неговата цена би се искачила на речиси пет илјади американски долари за унца“, рече Струјвен, пренесуваат медиумите од соседството.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Цени во најсеверната продавница во светот, поевтино е од САД
Хрвати се иселиле во Полска, тврдат дека земјата е драстично подобра од Хрватска
Обидот за увоз на берачи од Бангладеш и Пакистан не успеа во соседството
БДП СЕ ЗГОЛЕМИ ЗА 3.8 ОТСТО: Кои сектори се со најголем раст?
Среброто привлекува сè поголемо внимание од купувачите, eве зошто...
Димитриеска-Кочоска: Немам информација дека доцни породилното
ПРЕДНОВОГОДИШНО РИПНАЛЕ ЦЕНИТЕ НА УГОСТИТЕЛСКИТЕ УСЛУГИ: Еве што покажува статистиката
