Честитка од Кирацовски по повод католички Велигден
Објавено во: Македонија 01 Април, 2018
Генералниот секретар на Социјалдемократскиот сојуз на Македонија, Александар Кирацовски, во име на партијата им го честита христијанскиот празник Воскресение христово – Велигден на верниците од католичка вероисповед во РМ. Тој упати честитка до бискупот скопски и апостолски ехзарх монс. Киро Стојанов, до граѓаните од католичка вероисповед како и до сите други кои го празнуваат денешниот ден.
„Во име на Социјалдемократскиот сојуз на Македонија и во мое име, Ви го честитам големиот христијански празник, Воскресение Христово - Велигден.Пожелувам добро здравје, мир, семејна хармонија, лична и колективна благосостојба.
На овој голем христијански празник, кога ја славиме победатата над неправдата, на раѓањето на новиот почеток, остануваме силно посветени на духовните вредности што не движат напред.
Преку меѓусебно почитување и разбирање да продолжиме да ги градиме вредностите на мир, соработка и толеранција. Само на тој начин, заеднички ќе изградиме поубаво општество за сите граѓани.Среќен празник“,се вели во официјалната честитка.