Четири чекори за подобро менаџирање на компанијата

Добивај вести на Viber

Иако постојат многу несогласувања околу тоа кои се навистина доблестите кои еден лидер или менаџер накомпанија треба да ги поседува,  една работа е сигурна. И мажите и жените треба да ја водат компанијата на начинот кој е типичен за нивната природа. Додека мажите се остри на зборови и многу често се водат од бројките како најголем показател за успех, жените лидери, од друга страна пак имаат навика да се фокусираат на вработените и на тој начин да придонесат за подобра работа на компанијата. Тука се и четирите чекори кои најдобро продаваниот автор за лидерство, Симон Синек ги препорачува на секој претприемач, маж или жена, што тие треба да преземат за подобро раководење на бизнисот. 1. Воспоставете реална визија „Ако сакате вработените да помогнат во изградбата на вашата визија таа мора да биде видлива и да може да се опише со зборови, а и останатите да можат да ја замислат", пишува авторот. Индикаторите се од суштинско значење за да се измери раст и да се одреди како компанијата напредува и колку е блиску до својата цел, но сепак визијата мора да биде повеќе од тоа да станете „најголемата, најбрзо растечката, најсаканата" компанија. 2. Запомнете дека  раководството бара многу жртви „Ако сакате да бидете добар лидер, цената на лидерство е да се жртвуваат своите сопствени интереси", објаснува Синек. „Ако не сте подготвени да се жртвувате за својата компанија, не заслужуватте да бидете лидер. Луѓето не се чувствуваат добро на работа, ако тие знаат дека нивните лидери попрво би ги жртвувале со цел да се спасат перформансите на компанијата " 3. Енергијата и времето вложете ги во разговор со вашите клиенти и вработени Иако телефонот е одличен за брз пренос на информации, на телефон не треба да споделувате чувствата, мисли и конструктивни критики. Разговорот во живо е многу подобра опција. 4. Бидете добар „родител“ Исто како што ако сте родител и како лидер “имате право да поставувате цели, стандарди и да ги дисциплинирате кога е потребно", пишува Синек. Но исто така, треба да имате и сочувство како родител.