Чулев: Кривична пријава за советникот од СДСМ во Гази Баба

Добивај вести на Viber

Наќе Чулев, министерот за внатрешни работи, објави дека е поднесена кривична пријава против членот на Советот на Гази баба од редовите на СДСМ кој е меќу тројцата приведени од синоќешниот инцидент во скопската населба Ченто. Според министерот, тензиите настанале како резултат на политички побуди, со што било доведено под ризик здравјето на граќаните.

- Во 21.10 на социјални мрежи се забележани групирани лица на улица Алија Абдулиќ, а од страна на полициски службеници од СВР Скопје и преку патролно интервенирање е извршена контрола. Затекната е група од осум лица од кои повеќето се дале во бегство, а три лица останале и биле лишени од слобода во полициска станица Гази баба. Едно од нив се претставил како член на Советот на Гази баба од СДСМ за да изврши притисок да не биде лишен од слобода, а по информативниот разговор ќе има соодветна кривична пријава за истото, рече Чулев на денешната прес-конференција.

Како што вели тој, на истото место била собрана поголема група на луѓе со лажна информација дека приведените се физички малтретирани од полицијата

- Во меѓувреме и градоначакникот на Гази Баба е забележан како дава ветување дека нема да има пријави. Против сите три лица до ООсновното јавно обвинителство се поднесени соодветни кривични пријави, додаде Чулев.

Тој нагласи дека преку видео-записот се работи на пронаоѓање и идентификација на лицата од толпата кои не го почитувале полицискиот час. Кај дел од лицата е утврден идентитетот и ќе има пријави за поттикнување и непочитување на одлуките на Владата.