ЦРН БИЛАНС: Колку луѓе во Ниш се борат за живот по несреќата?
Објавено во: Балкан 22 Декември, 2018
По несреќата во Ниш, двајца тинејџери и 31-годишник сè уште се борат за живот.
Три пациенти сè уште се борат за живот после тешката сообраќајка кај Ниш вчера наутро, кога воз преполови автобус полн деца кои одеа на училиште и возрасни кои се упатуваа на работа.
Ноќеска состојбата не им се влошила, вели за српски „Блиц“ директорот на Клиничкиот центар во Ниш, проф. др. Зоран Радовановиќ.
Станува збор за 16-годишно девојче, кое е оперирано неурохируршки, поради повреда на централниот нервен систем, и момче, исто така на 16 години, кое има тешки повреди на ‘рбетот. Критично е и на 31-годишник со повреди на абдоменот.
Останатите 23 повредени патници, од кои 13 малолетници, се во стабилна состојба и не се животно загрозени, но се под буден надзор на медицинскиот персонал во болницата.
Причината за несреќата не е позната, а сообраќајот по пругата е во прекин, соопштија од српската железница. Минатиот викенд во близина на Лесковац загинаа тројца македонски државјани кога автобусот со кој патувале за Виена излета од автопатот.