Добивај вести на Viber
Проектот на УСАИД за експанзија на мали бизниси денеска симболично го одбележа почетокот на жетвата на пченка во Пелагонија, каде што оваа сезона, со негова помош и преку иницијативата „Да одгледуваме повеќе пченка“, земјоделците имаат постигнато рекордни приноси.
Првата фаза на иницијативата започна во мај, и се состоеше од финансирање и монтажа на системи за наводнување капка-по-капка, како и од програми за обука со цел 40 земјоделци од Полог и Пелагонија подетално да се запознаат со иновативните земјоделски практики. По успешната сезоната, сите земјоделци кои учествуваа во Иницијативата ги имаат зголемено приносите на зрно од пченка за 26 проценти и на силажа (добиточна храна составена од стебла и листови на пченка) за 53 проценти.
Во 2014 година иницијативата „Да одгледуваме повеќе пченка“ ќе премине во втората фаза и преку инвестирање во системи за наводнување капка-по-капка и користење на иновативни земјоделски практики, ќе помогне на уште повеќе земјоделци од Полог и Пелагонија да станат конкурентни мали бизниси.
Преку модернизацијата на производството на пченка во Македонија ќе се зголемат приходите на малите и средните земјоделски бизниси, но ќе се зголеми и вредноста на поврзаните индустрии кои зависат од пченката, како што се млекопроизводството и живинарството.