ЦУК: 2.024 повици на 112 во последното деноноќие, 10 пожари на отворено

Добивај вести на Viber

Центарот за управување со кризи (ЦУК) информира дека имало вкупно 2.024 повици на Единствениот повикувачки број за итни случаи 112 во ЦУК, во последното деноноќие. Од нив „реални“ повици биле 58,60 отсто, а 41,40 отсто биле за други потреби на граѓаните што не биле итни. Кон Полиција биле упатени 57,14 отсто, кон Итната медицинска помош 27,73 отсто, а кон пожарникарите 5,04 отсто, од реалните повици кон 112 во ЦУК. Инаку, имало 878 повика за итни случаи на 112 за во ЦУК, што се вкупен збир од тие што биле за комбинирано решавање од „реалните“ повици (10,08 отсто) и на тие што се именувани како „неитни повици“ (41,40 отсто). Сите тие биле предмет на примање, на обработка во ЦУК, а и на директно координирање за нивно решавање со институции и служби во Системот за управување со кризи (СУК).

10 пожари вкупно имало на отворено и неколку помали интервенции во последното деноноќие и еден се уште се води како активен, во Општина Василево, кај с.Добрашинци (ниска вегетација, ниска шума и грмушки).

Целосно изгасените девет пожари на отворено биле во општините: Гази Баба имало два пожара, кај с.Јурумлери(горело жито) и повторно с.Јурумлери (ѓубре); Карпош, кај с.Злукуќани (ниска вегетација); Кавадарци имало 3 пожари, кај с.Ваташа (ниска вегетација, нискастеблеста шума), покрај ул.Видое Смилевски Бато(ниска вегетација) и покрај ул.Ристо Ѓонев во с.Ваташа(ниска вегетација); Битола, кај училиштето „Тодор Ангелевски“ (ниска вегетација); Охрид, кај месноста „Мауцкер“ (депонија) и во Општина Куманово, кај с.Лопате (горела ниска вегетација).

Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации. Истовремено, ЦУК информира дека е корисно да се следат препораките и информациите од медиумите за превенција, а и за реагирање при итни случаи.