Д-р Мела од Дебар: Неиздржливо е, а цел град беше на дебарско езеро и по кафулиња

Добивај вести на Viber

Не ни се познати сите кластери, не можеме да утврдиме со целосна точност кој од каде се заразил, вели за Фактор д-р Ментор Мела, епидемиолог, раководител на Единицата за јавно здравје во Дебар. Во овој град кој беше прв на ударот на коронавирусот во март, сега има активни 89 случаи. Во последното деноноќие беа регистрирани седум нови, а според информации на Фактор петмина се од една поголема фабрика во градот. Д-р Мела е разочаран што во градот не се почитуваат превентивните мерки, но вели дека ситуацијата е под контрола.

„Немаме веќе сила, премногу сме уморни и не се издржува. А граѓаните се движат, се шетаат, не носат маски, вчера езерото беше полно и имаше капачи. Ние сме доведени во ситуација да не можеме да откриеме кој од каде се заразил, вели д-р Мела.

Од сите активни случаи повеќето се на домашно лекување, а има и хоспитализарни во трите болници во Скопје. денеска ќе заседава и кризниот штаб во градот.

Не можеме да поврземе кој од каде се заарзил, не се соопштува кој со кого бил во контакт, ама веројатно е дека најголемиот дел од дијагностицираните се од дружби надвор, непочитување на превентивните мерки, додава Мела.

А.Т.