Да се зголеми бројот на тестови за Ковид-19, бараат од ДУИ
Објавено во: Македонија, Корона Вирус 15 Мај, 2020
Oд ДУИ бараат да се зголеми бројот на тестови за Ковид-19. Вицепремиерот Бујар Османи изјави дека ќе побараат во текот на еден ден да се направат од 500 до 750 тестови.
„Поради тоа што сметаме дека само на тој начин навреме ќе ги детектираме и изолираме тие кои евентуално се заразени во услови кога ќе се укине полицискиот час и ќе се отвораат бизнисите“, рече Османи.
Денеска Институтот за јавно здравје регистрира 16 оздравени пациенти, 17 нови случаи и двајца починати пациенти од Ковид-19.Во изминатите 24 часа направени се 460 тестирања, а потврдени се 17 нови случаи на ковид-19 и тоа во: Скопје-3, Куманово-2, Прилеп-3, Тетово-6, Велес-2, Битола -1. Досега во земјата се направени вкупно 20548 тестирања на ковид-19.