Дачиќ: Некои земји-членки на ЕУ поставуваат нови услови за Србија
Објавено во: Балкан 15 Април, 2015
Меѓу ЕУ и некои земји-членки на Унијата постојат разлики околу условите кои треба да ги исполни Србија, за да започне преговори за поглавјата од договорот за членство, изјави српскиот министер за надворешни работи, Ивица Дачиќ.
„Јавно искажаната позиција на ЕУ е дека услов (за преговорите) е целосна примена на Бриселскиот договор, но некои земји-членки имаат дополнителни услови кои не се наведени во овој договор“, изјавил министерот на прес-конференција во Белград по средбата со својот колега од Босна и Херцеговина Игор Црнадак.
Дачиќ истакнал дека неодамнешната посета на високиот претставник на ЕУ за надворешна политика и безбедност Федерико Могерини во Белград, тој побарал од неа да прецизира што уште треба да направи Србија во однос на Бриселскиот договор.
„На прашањето што уште не е исполнет по вина на Србија, од делегацијата на ЕУ одговорија, Ништо“ , изјавил министерот кој додал дека земјата ги извршила „сите обврски и не дозволуваме некој да си игра со нас“.