„ДАЈ БОЖЕ ДА УСПЕАМ ВО БИТКАТА СО КАНЦЕРОВ И ДА ПРОДОЛЖИМЕ СО СТЕФАН ДА РЕДИМЕ УСПЕСИ“ - се огласи Зоки Фаци Василевски
Објавено во: Македонија 18 Октомври, 2024
Зоки Фаци Василевски се обрати преку својот фејсбук профил до сите свои фанови, со цел да се заблагодари за големата поддршка што ја добива, како и за тоа што на Бекстејџ, заедно со неговиот колега и другар се избрани за најдобри јутјубери за оваа година.
Посакува и оптимист е да успее да се избори во битката со канцерот,и да продолжат со Стефан да редат успеси.
„Здраво дечки, на овој прекрасен ден, јас малку излегов на сонце, со моето ламборгини (болничката количка н.з.). Ви благодарам на сите за вчерашната поддршка на Бекстејџ, бидејќи со Стефан Лазаров сме одбрани за најдобри јутјубери за оваа година. Јас се надевам дека Стефан е среќен, но целиот благослов е негов, јас бев само една голема поддршка. Дај боже да успеам со биткава со канцеров и да продолжиме заедно, да продолжиме заедно и да редиме успеси, толкави звезди како на Бекстејџ. Ви благодарам на сите, ти благодарам Стефан, благодарам за големата поддршка од сите мои фанови, и се надевам дека ќе успееме да се избориме со оваа опака болест. Јас одам малку на сонце“, вели Василевски во својата објава.