Дали деблокирањето на евроинтеграциите ќе ја раздвижи економијата?
Објавено во: Анализа 19 Јуни, 2018 06:35
Пред и по потпишувањето на договорот со Грција за решавање на спорот за името, власта, но и повеќе експерти излегоа со очекувања дека деблокирањето на евроинтеграциите ќе резултира со повеќе инвестиции.
Се очекува подобрување на економијата, а со овој став се сложуваат и од Стопанската комора на Северо - Западна Македонија.
„Деблокирањето на интегративните процеси, преку соодветното вреднување на нашиот напредок, позитивно ќе влијае врз реформските процеси и врз целата општествено-политичка состојба во Република Македонија, а секако од голема полза би бил и статусот на „функционална пазарна економија“, со што би биле гарантирани како домашните така и странските инвестиции. Сето тоа ќе придонесе кон повеќе странски инвестиции и подобра економија во земјава. Според нашите анализи и комуникацијата со членството сметаме дека евроинтеграциите се тесно поврзани со економскиот раст, што беше случај и со земјите од соседството кои станаа дел од НАТО и од ЕУ и покажаа најголем раст една година пред и по придружувањето“- велат од Стопанската комора на Северо-Западна Македонија.
Но, резутатите нема да стигат брзо и ќе биде потребен извесен период.
„Се надеваме дека ќе се забележи напредок за една до две години, и дека Македонија не би била исклучок во тој поглед, затоа што сигурноста и предвидливоста обезбедуваат поволни инвестиции, но не можеме да се потпреме исклучиво на тие податоци. За да се постигнат позитивни резултати треба да се почитува постигнатиот договор и да се имплементира истиот во предвидените рокови. Меѓутоа, најважно од сè е дека постојано мораме да бидеме посветени кон реформите и правичната примена на законите во оваа фаза и во текот на интегративниот процес за влез во ЕУ“- додаваат од Стопанската комора на Северо-Западна Македонија.
Во првиот квартал од 2018 година, растот на БДП во Македонија беше минорен.
Тој изнесуваше 0.1% според податоците на Државниот завод за статистика, што е знак дека економијата стагнира.
Инаку, Предлог – законот за ратификација на договорот со Грција потпишан во Преспа треба да се разгледа утре во Собрание.
Сања Атанасовска
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
КАМЕРИТЕ СЕ БОЈАТ, КРШАТ, КРАДАТ И ФРЛААТ ВО РЕКИ: Еве како поминале камерите на Сејф сити во земјите низ Европа и на Балканот
СДСМ се „пере“ од Груевски – Се враќа ли опозицијата на „антирежимските“ корени
Ако сакаш да не најдеш решение формирај комисија – Што ќе донесе анкетната расправа за Кочани?
