ДАЛИ Е НА ПАТ ТОТАЛЕН КОЛАПС? Штрајк за прв пат по 16 години

Добивај вести на Viber

Вработените во американската авиокомпанија „Боинг“ во Сиетл стапија во штрајк за прв пат по 16 години, откако членовите на најголемиот синдикат, кои претставуваат 33.000 вработени, ја одбија понудата за нов договор и се одлучија за прекин на работата.

Според извештаите, 94,6 отсто од членовите на синдикатот гласале против новиот договор, а 96 отсто го поддржале штрајкот.

Работата беше официјално прекината на полноќ по локално време, пренесува Bloomberg. Нашите членови денеска зборуваа јасно и гласно, изјави претседателот на синдикатот на Боинг, Џон Холден по гласањето.

Според него, понудата на Боинг не е доволна да се компензира за 16 години стагнација на платите, повисоки трошоци за здравствена заштита и преместување на работните места во синдикатот.

Сепак, Холден изрази подготвеност да се врати на преговарачка маса со раководството на Боинг што е можно поскоро.

Боинг им понуди на своите вработени гарантирано зголемување на платите од 25 отсто во следните четири години, но работниците очекуваа повеќе и беа разочарани што компанијата го прекина годишниот бонус. Боинг го произведува авионот 737 Max во фабриката во Рентон на периферијата на Сиетл, а моделите 777 и 767 во својата фабрика во Еверет северно од градот.

Штрајкот практично ќе го запре производството на комерцијални авиони во еден од најголемите американски производствени гиганти, што може да и наштети на целата економија на Соединетите Американски Држави, наведува Си-Ен-Ен.