ДАЛИ ХРВАТСКА Е СЛЕДНАТА ДРЖАВА КОЈА ЈА ЗАТВОРА ГРАНИЦАТА ЗА СРБИТЕ - се размислува и за тоа
Објавено во: Балкан 06 Јули, 2020
Коментирајќи ја можноста за затворање на границите со Србија, хрватскиот министер за здравство Вили Берош рече дека „за тоа се размислува“, пишува Блиц.рс.
„Ако ситуацијата таму се влоши, ние размислуваме и за тоа“, рече Берош.
Граѓаните на Србија сè уште можат да влезат во Хрватска само ако ги исполнат условите наведени на веб-страницата на Хрватската граѓанска заштита.
Засега, здравствените работници, здравствените истражувачи и соработниците, експерти за нега на стари лица, лица на кои им е потребен итен медицински третман можат да одат во Хрватска од Србија. Оваа одлука ќе се применува од 1 до 15 јули 2020 година. ”
Покрај можноста за затворање на границите со Србија, Берош зборуваше и за тоа дали е можно да се шири вирусот корона поради изборите и прославата на победата во седиштето на ХДЗ, но дека се надева дека тоа нема да се случи.
„Бевме на отворено, температурата беше измерена, рацете беа дезинфицирани. Но, признавам, во одредени моменти бевме премногу блиску еден до друг“, рече Берош и додаде дека избегнувал блиски состаноци, објави загрепскиот портал Индекс.