Дали Хрватска ќе биде следната Грција?

Добивај вести на Viber

Последната држава, која стана членка на ЕУ, Хрватска, исто така и предизвикува сериозни проблеми на Европската унија, пишува виенскиот весник „круни цајтунг“.

Весникот наведува дека милион Австријци секоја година одмараат на брегот на Хрватска, како и дека Австрија е најголемиот странски инвеститор во оваа балканска држава. Според изданието невработеноста во Хрватска достигнало до 20%, а во земјата се врши масовно предвремено пензионирање, со цел намалување на процентот на невработеноста.

Долгот на Хрватска изнесува 90 отсто од БДП, а бркотницата и правдата се пекол за инвеститорите, посочува уште весникот.

Хрватска има големи даноци и трошоци за живот. Економијата на земјата веќе шест години се наоѓа во рецесија.

Загриженоста на Европската комисија е оправдана, пишува весникот, додавајќи дека неопходните реформи не можат да се очекуваат од сегашната влада, бидејќи најдоцна во јануари ќе се одржат нови парламентарни избори.

При посетата во Виена хрватскиот претседател Колинда Грабар истакнала дека е оптимист и не верува во грчкото сценарио дека ќе ја снајде нејзината земјата .