ДАЛИ ИМА ПРИТИСОК ЗА ПРЕГОВОРИ: Зеленски објасни како стојат работите
Објавено во: Свет 11 Јануари, 2024
Нема притисоци врз Украина за да преговара со Русија.
Украинскиот претседател Володимир Зеленски изјави вчера, на почетокот на турнејата по балтичките држави, дека Киев не е под притисок од сојузниците да престане да се бори против Русија.
„Нема притисок од партнерите да престанеме со одбраната. Нема притисок конфликтот да се замрзне, барем не сè уште“, вели Зеленски.
Тој тврди дека не е под притисок.
„Постојат различни гласови во медиумите, прочитав сè. Меѓутоа јас сметам дека нашите партнери сè уште не се спремни да ни упатат такви сигнали. Барем јас лично не сум ги слушнал“, кажа Зеленски.
Трите балтички држави се меѓу најцврстите поддржувачи на Киев во ЕУ и НАТО. Украина апелира на своите западни сојузници да ѝ пружат поголема финансиска и воена помош. Руската инвазија на Украина почна лани на 24 февруари.