Дали имаме план Б во случај на нафтена криза и зошто не го користиме нафтоводот Вардакс Солун?

Добивај вести на Viber

Неколку дена, откако регионот беше зафатен со поларни температури, на граничниот премин Евзони, останаа заглавени околу 70 товарни возила меѓу кои и голем број цистерни со гориво. Како резултат на тоа Македонија се наоѓаше на работ на нафтена криза, со оглед на зголемената потреба, а прекинатото снабдување со нафта.

Алтернатива во вакви услови како и за уште полошо сценарио е нафтоводот, која што го имаме но не го користиме. Транспортот на нафта во нафтовод е подобро решение и во нормални услови, а во вонредни е дури и неопходно.

Нафтоводот Скопје Солун не функционира, иако цевководот е исчистен и е целосно подготвен да биде ставен во употреба. Тоа беше и услов за да се добие дозвола за работа, но Министерсво за економија се уште не ја издава потребната лиценца.

Од седиштето на Хеленик Петролеум во Атина изјавуваат:

„Нафтоводот Вардакс Солун – ОКТА е подготвен да биде ставен во функција веќе неколку месеци. Нафтоводот е исчистен од остатоците од суровата нафта и е подготвен за трансфер на дизел гориво. Се уште е во тек процесот за добивање лиценца, којшто беше одложен заради техничките детали што може да се решат. Хеленик Петролеум наведува дека трансферот на горива преку нафтоводот гарантира непречено снабдување, квалитет и количина на пренесените производи, независно од условите на патот“.

Сепак застој постои и едноставното решение за нафтена криза е тука но не го користиме. Каде е застојот и зошто нафтоводот не рабати?

„Делегацијата предводена од Главниот извршен директор, г-дин Григорис Стергиулис, во текот на 2016 година двапати се сретна со надлежните органи, но не е постигнат забележителен напредок. Од страна на Хеленик Петролеум, ние исто така, наведуваме дека сме подготвени да ги продолжиме разговорите со Владата, со цел да се реши ова прашање, да се најде решение и нафтоводот да се стави повторно во употреба“, додаваат од Хеленик Петролеум.

Во меѓувреме и во период кога на Македонија и се заканува нафтена криза, поларните температури се уште траат а најавени се и уште снежни врнежи, локалните власти без конкретен одговор каде е застојот и кој треба да даде дозвола за нафтоводот да почне да работи.

Министерството за Економија вели дека решенито го издава Државниот инспекторат за техничка за инспекција. Од таму пак велат дека од нив не е побарано да издадат решение, но и тука се несигурни, можеби сепак постои барање за да се издаде решение.

Нафтоводот Вардакс Солун – ОКТА прекина со работа во 2013 година, кога ОКТА престана да работи како рафинерија. Во меѓувреме компанија го пренамени постоечкиот нафтовод на сурова нафта во продуктовод со цел пренос на дизел гориво директно до рафинеријата. Оваа акција на пренамена, чистење и проверка на постројките и уредите беше комплетирана во летото и сега чека да биде пуштен во употреба. Компанија ОКТА  денесе клучен увознинк на гориво кој снабдува дури 70% од потребите во земјава.