Дали побогатите ќе плаќаат повисоки даноци во Македонија?
Објавено во: Финансии 10 Декември, 2017 11:37
Можно ли е побогатите и тие со повисоки примања да плаќаат поголеми даноци во Македонија согласно прогресивните даночни политики кои подолго време ги најавуваше Зоран Заев?
Владата останува на позицијата дека треба да има промена во даночната политика за Македонија да стане праведно општество. Дебатата за реформите почна и ќе трае во текот на наредната година. Решението не треба да се донесе набрзина и затоа даночната реформа ќе се спроведе од 2019 година, место од 2018 година, како што претходно беше најавено. Преку дебата треба да се дојде до најприфатливо решение,што ќе покаже кој треба да плати повеќе. Засега,според Владата, луксузот за кој треба да се плати повеќе е платата над 1.000 евра. Менаџерите не се согласуваат и порачуваат не го менувајте персоналниот данок, а ако веќе треба да се смени, според нив, она што е луксуз не е 1.000 евра.
- Нашите ставови за персоналниот данок на доход се искажани во владината програма и програмата на Коалицијата. Промени треба да има. На Македонија и треба праведно оданочување. Таа има една од највисоките стапки на нееднаквост на доходот во Европа. Тоа значи дека треба да правиме еден вид корекција со даноците, а во овој случај тоа е персоналниот данок на доходот, порачува министерот за финансии Драган Тевдовски.
Смета дека доколку сакаме Македонија да оди напред треба да има повеќе пари за да може да ги алоцира во образованието, во вработување, во истражување, а за сето тоа треба да се обезбедат буџетски приходи.
Македонија, заедно со Косово има најниски буџетски приходи од БДП и изнесуваат 29 проценти, а во развиените земји тие се меѓу 50 и 55 проценти и затоа според министерот има простор за промена.
- Генерално ние сакаме да создадеме правично општество и таа е нашата водилка. И тука верувам дека никој не може да се согласи дека не треба да бидеме солидарни. Дај боже сите да имаме големи приходи и преку тоа да плаќаме повеќе и да може да се подигне севкупниот квалитет на животот на посиромашните. Но, дилемата е да не ги уништиме тие што се покапацитетни да помагаат, па на крајот да нема и кој да помогне. И затоа е дебатата важна и вредна и тука треба да дебатираме во суштините на сите детали на аргументацијата на крајот да го донесеме најправичното решение, смета премиерот Зоран Заев, кој се вклучи во дебата за даночните реформи организирана од Асоцијатацијата на менаџери на Македонија.
Посочува дека Владата нема да брза додека не се истроши дебатата за ова прашање. Повеќе, истакнува, сме фокусирани како да го наплатиме тоа што е пресметано со денешните стапки каде што голема е даночната евазија.
– Проценка е дека во државата има 30 отсто даночна евазија на ДДВ, рече премиерот и додаде дека со новата реформа во УЈП се проценува дека до 40 отсто ќе се подобри наплатата на персоналниот данок на доход без да се зголеми стапката. Тоа е, појасни проценката што ја имаме на стартот. Значи нема воведување нови давачки, нови стапки, нема зафаќање на нов обем, туку самата реформа овозможува увид во сите приходи и со испорачување на даночната пријава од страна на УЈП ќе се има комплетна контрола врз персоналниот данок што ќе овозможи од 30 до 40 отсто повеќе наплата на персоналниот данок на дохдот од сегашните услови. Така што не знам дали 18 отсто ќе и донесат на државата такви приходи или не. Но наша цел е да го направиме поправично општеството и за тоа сакаме да дебатираме, истакнува премиерот.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Миноски: Инфлацијата ја прави прекумерната владина потрошувачка, а не потрошувачите
Се продолжува работниот век! Германија ја усвои реформата на пензискиот систем, Франција ја блокираше постапката
„КОЛКУ ПАПАЈА МОЖЕ ДА КУПИ ВЛАДАТА ОД НОВА ГОДИНА ДО БОЖИЌ КОРИСТЕЈЌИ ГИ САМО ТИЕ ПРИХОДИ?“ Анализа на потрошувачката на гориво по пробниот старт на „Сејф сити“
„ЧЕКАМ ОДЛУКА И МОЛАМ БОГА ДА ПОМИНАМ СО КАЗНА, ДА НЕ МЕ ВРАТАТ НАЗАД“: Балканец во Германија за 50 евра - косење трева на црно, бил пријавен од човекот каде што работел, сам го викнал па го пријавил!
ИМА ЛИ КАНДИДАТ КОЈ БИ ПРАВЕЛ ЕКОНОМСКИ ПРЕСМЕТКИ ЗА ФИСКАЛНИОТ СОВЕТ – платата е вртоглава, а работното време вообичаено
„Од почетокот на годинава наплативме приходи од 1,95 милијарди евра“: Николовски објави дека бележат раст во сите сектори
РОДИМЕ МАЈКО СО КСМЕТ И ВРАБОТИМЕ ВО АГЕНЦИЈА – „регулираат“ железнички сектор и имаат вртоглави плати
СТАН ВО НЕА ПОТИДЕЈА - ХАЛКИДИКИ ЗА 49 ИЛЈАДИ ЕВРА! Има поглед на море и големина од 60 метри квадратни
Експерт од Microsoft се сели во Apple – Ова е новиот раководител на вештачката интелигенција
