Дали тие навистина се бегалци?

Добивај вести на Viber

Кој е бегалец и кој може да биде наречен мигрант? И кои луѓе имаат право на азил во Германија? Многу често овие концепти се мешаат. А меѓу нив сепак постојат значајни разлики. Еве какви:

Кој може да биде наречен мигрант?

Во принцип мигрант е секој кој се преселува на друго место - било да е тоа во рамките на иста држава или надвор од нејзините граници. Најчесто сепак поимот се користи за луѓе кои ја напуштаат нивната татковина по сопствена желба, на пример за да ги подобрат условите за живот.

Кој мигрант е бегалец?

Поимот бегалец е формулиран во Женевската конвенција за бегалци. Според неа, бегалците се луѓето кои имигрираат поради суштинско втемелен страв од прогон во својата земја - поради политички причини или врз основа на религија, раса, националност или членство во некоја општествена група.

Што значи поимот „барател на азил“?

Барателот на азил е некој кој се обидува да добие статус на бегалец. Во Германија по барањата за азил се изговара Федералната служба за миграција и бегалци. Токму таа одлучува дали одредено лице има право да добие статус на бегалец, или не. Додека биде донесена одлука по барањето за азил, кандидатите немаат право да работат и се обврзани да живеат во засолништа за бегалците.

Кој има право на азил во Германија?

Во германскиот устав е запишано: „Политички прогонетите имаат право на азил“. Политички освоен е оној чии човекови права биле прекршени како последица на маргинализација поради неговите политички убедувања. Животот во сиромаштија не дава право на азил. По распадот на Источниот блок правото на азил во Германија беше ограничено. Денес такво имаат само оние лица кои не доаѓаат од т.н. „сигурни трети страни“.

Кои земји се „сигурни трети земји“?

Т.н. „безбедна трета земја“ не го прогонува своето население од политички причини и не остварува нечовечко или понижувачко казнување. Дури и да поднесат барање за азил во Германија, граѓаните од „најбезбедните трети страни“ не можат веднаш да бидат вратени во нивните земји. Секој барател на азил во Германија добива правна шанса да докаже дека е загрозен од политички прогон во својата татковина. По правило граѓаните на „сигурните трети земји“ не добиваат таква - освен ако не постојат исклучителни околности.

Ако барањето за азил биде отфрлено?

Лицата чии барања за азил биле одбиени, мора да ја напуштат Германија. Тие сепак имаат право на жалба на одлуката. Ако нивното враќање во татковината сепак е привремено невозможно, барателите на азил може да останат некое време во Германија. Основа за ова „толерирање“ (на германски јазик „Duldung“) мора да имаат отсуство на документи или ситуацијата во нивната татковина. Ова правило важи и за малолетниците кои пристигнале во Германија без родители.

Луѓето кои се загрозени во своите родни земји од војни, тортура или смртна казна, но кои не биле признати за бегалци и не добиле азил можат да добијат т.н.. „субсидијарна заштита“ или хуманитарен статус. На пример бегалците од Сирија, Еритреја, Ирак, Сомалија или Авганистан не се вратени во нивните матични земји. За луѓето со хуманитарен статус е во сила забрана за екстрадиција. Тие добиваат право на престој во Германија од една година.

Што точно значи Даблинската регулатива?

Според регулативата од Даблин, земјите од ЕУ, на чија територија прво се присутни бегалците, се одговорни за постапката за азил. По правило бегалците кои пристигнуваат во Германија од некоја безбедна земја од ЕУ, се вратени без понатамошни проверки во неа. Таму тие можат да поднесат барање за азил. Според германскиот закон за азил, на „сигурните трети страни“ спаѓаат сите земји од ЕУ, како и Норвешка и Швајцарија. Во 2009 година, сепак Федералниот уставен суд ја извади Грција од листата на „сигурните трети земји“ поради исклучително тешките услови за живот на бегалците таму. Тогаш германските власти го прекинаа враќањето на бегалците кон Грција.