Дали вакцината против коронавирусот ќе биде сезонска?
Објавено во: Македонија, Корона Вирус 30 Јули, 2021
Сега не може да се претпостави дали вакцината против коронавирусот ќе биде сезонска, а повеќе сознанија ќе има во септември и октомври.
Министерот за здравство, Венко Филипче вели дека ќе ги димензионираат количините за целата следна година.
„Верувам дека ќе имаме повеќе сознанија во месец септември и во октомври. Сите производители се на располагање и согласно препораки од експери за кои категории на граѓани која вакцина да се даде“, рече Филипче.
Акцентот сега е ставен на секторот здравство и образование. Во здравство, близу 80 проценти од здравствените работници се веќе вакцинирани. Филипче додаде дека станува збор за оние кои директно работат со ковид центри и оние кои редовно ја работат својата работа.
Во последните 24 часа се направени 4.582 тестирања, а регистрирани се 74 нови случаи на коронавирус.